Willkumme beim Posaunechor an de Peterskirch Woinem
Schee, dass du de Weg zu uns hergfunn hosch!
Schon seit iwwer hunnert Johr wird bei uns im Posaunechor zamme geblose un musiziert. Gegrindet worn is unser Chor 1920 am Pilgerhaus. Seitdem hen Generatione vun Bläserinne un Bläser bei uns mitgmacht, viel scheene musikalische Momente erlebt un aa des oi oder annere Hinnernis zomme iwwerwunne. Aus unserm Chor sin später sogar noch Posaunechör an de Markus- un Stadtkirch rausgewachse.
Heit sin mer so um die dreisisch Leit, die mit Posaune, Trompet, Horn un Tuba Gottesdienschte, Konzerte, Jubiläe, Ständcher un allerhand annere Feschdlichkeite musikalisch begleite. Grad in de Advents- un Weihnachtszeit sin mer dauernd unnerwegs.
Was uns zammehält, is die Freid an de Musik un am Mitananner. Mir blase zamme, mir lache zamme un merke immer widder, wie viel Gaudi unser Hobby macht. De Felix Schütze hat bei uns de Taktstock in de Hand.
Unsere Probe
Geprobt wird jeden Donnerschdaag vun achte bis halwer zehne owends im Gemeindehaus vun de Stadtkirch in Woinem, in de Hauptstroß 127. In de Schulferie is normalerweis Ruh – do is kä Probe.
Willsch mitblase?
Dann kumm einfach emol vorbei – mer freie uns iwwer jedes neie Gsicht!
Egal, wie alt de bischd un ob de schun emol e Blechblasinstrument in de Hand ghabt hoschd oder net. Bei uns kannschd aa ganz vun vorn aa Trompet, Posaun, Horn oder Tuba lerne. Zusätzlich gibt’s Einzelunterricht bei richtige Profis. Unsere Jungbläserinne un Jungbläser treffe sich ganz flexibel nach Absproch.
Hosch e Idee für unsere Homepage?
Wenn de Anregunge, Texte oder Bilder für unsere Homepage hosch, dann schwätz uns einfach aa oder schreib uns e E-Mail..
Mer winsche dir viel Spaß beim Schtiewere uff unsere Seite!
Deun Posaunechor an de Peterskirch Woinem