Willkumme beim Posaunechor an de Peterskerch vom Dialekt – zu Hochdeutsch wechseln

Seit iwwer hunnert Johr geht de Posaunechor an de Peterskersch zu Woinem dere Frag nooch, die bis heit jeden Dunnerschdag aufs „Bevor mer nei blost, muss des Blech erscht emol wissenschaftlisch in Augeschein genomme werre.“Nei untersucht werd. Wie kriegt mer’s hie, dass en ganzer Haufe Leit, wo jeder fer sich in sei Blech blost, am End zamm Musik macht?

Des bis jetzt bewährte Verfahre geht so. Mer holt Luft, bringt die Lippe zum Schwinge un guckt, was uffem Noteblatt steht. Wenn dann aa noch alle zur rischdische Zeit losleeche, hot mer unter günstische Bedingunge e gemeinschaftlisches Klangereignis.

Des Verfahre kimmt im Gottesdienscht, bei Konzerte un bei annere Veranstaltunge in Woinem zum Einsatz. Mir spiele fer die ganz evangelisch Gemoide. Uff unsre Homepaige kennt ehr unsern Chor un sei Musik kenneleere. Fer die erscht Lektür braucht mer noch kaa Instrument.

Methodik un Versuchsuffbau

Geprobt werd dunnerschdags vun obends acht bis halwer zeene im Gemoindehaus vun de Stadtkersch in Woinem, Hauptstroß 127. Dort werre Tonheeh, Lautstärk un Einsatzzeitpunkt erscht emol vun jedem fer sich erzeugt un dann im Ensemble uff enanner abg’stimmt.„Do zeigt sich, ob alle bis zur selwe Stell gezählt hawwe.“

Vun besonnerm wissenschaftlischem Interesse is de Einsatz nooch ener Paus. Do zeigt sich, ob alle bis zur selwe Stell gezählt hawwe.

In de Schulferie werd de Versuchsbetrieb in de Regel ausg’setzt.

Teilnahme an de aktive Tonerzeuschung

Mitmache kenne Leit in jedem Alter. Wer schun was kann, der bringt’s mit. Wer noch nix kann, der lernt’s. Mer muss des, was mer bei uns lerne soll, also vorher noch net kenne. Des hot sich als erstaunlisch praktikabel erwiese.

Wie mer vum bloße Interesse bis zur erschte Prob kimmt, steht unner „Mitspiele“. Wie mer vum bloße Ausatme zum absischtlische Erzeuge vun em bestimmte Ton kimmt, erfahrt ehr unner „Jungbläserschul“.

Uffruf zur Einreischung vun Beiträäsch fer die Homepage

Wer e Idee, en Text odder e Bild fer die Homepage hot, kann des jederzait bei uns einreische. Entwedder ehr schwätzt uns direkt aa, odder ehr schreibt uns e E-Mail.

Schlussbemerkung

Viel Spaß beim Stöwern! Un wann ehr beim Lese uff die Idee kommt, selber emol en Ton beizusteiern, dann kummt doch an em Dunnerschdag vorbei. Außerhalb vun de Schulferie is die Wahrscheinlichkeit, dass aa jemand do is, empirisch betrachte am greeschte.

De Posaunenchor an de Peterskerch Woinem

 
  • Links
  • Kontakt