Iwwer uns

Wer spielt im Posaunechor?

De Posaunechor vun de Peterskirch besteht aus em Hauptchor unnere Jungbläsergrupp. Im Hauptchor musiziere so um die 30 aktive Bläserinne un Bläser im Alter vun 12 bis 80 Johr. Bei uns kumme Leit aus de ganz verschiedenschte Berufe un Lebensbereiche zamme – was uns verbindet, is die Freid an de Musik un die Gemeinschaft.

Wann un wo probe mir?

Seit unser altes Gemeindehaus, des Martin-Luther-Haus, nimmi zur Verfügung steht, probe mer im Gemeindehaus an de Stadtkirch vun de Johannisgemeind. Die Probe werre vun Schützes ehrm Felix gleitet.

Wo kannsch de uns heere?

Mer gestalte Gottesdienschte, begleite Gemeindefeschde un gewwe Konzerte. Außerdem sin mer bei viele Veranstaltunge in un um Woinem musikalisch dabei – zum Beispiel:

• beim Sommertagszug als „Woinemer Blechveterane“ 
• am Oschdermorsche uff de Windeck
• uff’m Friedhof
• bei de Fronleichnamsprozession
• uff’m Weihnachtsmarkt
• beim Turmblase an Heiligowend

Aa zu Jubiläe un Geburtstääg spiele mer gern e ganz persönliches Ständche.

Welche Instrumente spiele mir?

Bei uns hört mer: Trompete, Flieglhörner, Zugposaune un Tuben.
Wenn de bei uns mitspielschd, kannschd dir in viele Fäll kostenlos e Instrument ausleihe.

Was für Musik spiele mer?

Unser Schwerpunkt liegt uff de Kerchenmusik. Dozu ghöre net bloß traditionelle Choralbearbeitunge un klassische Werke, sondern a viel moderne Kompositione.

Außerdem spiele mer mit Vorlieb Swing, Jazz un Pop. Un wenn mer Geburtstagsständcher bei unsere Seniorinne un Senioren mache, derfe natürlich alte un neue Volkslieder net fehle.

Wie is de Posaunechor entstande?

Unser Posaunechor hat e longe un lebendische Gschicht. Wenn de mehr iwwer die erschte 75 un 100 Johr erfahre willsch, dann findsch in unsre Feschdschrifte viel spannende Einblicke.